குறைந்த இரத்த அழுத்தம் உடையவர்கள் அதிகம் சாப்பிட வேண்டிய உணவுகள்
Encrypting your link and protect the link from viruses, malware, thief, etc! Made your link safe to visit. Just Wait...
குறைந்த இரத்த அழுத்தம் உடையவர்கள் அதிகம் சாப்பிட வேண்டிய உணவுகள்....…….
அவர்களுக்கான உணவு முறைகள் இதோ.........!
நம் உடலில், இரத்த அழுத்தம் ஆனது சாதாரண அளவை விடக் குறையும் போது, குறைந்த இரத்த அழுத்தம் அல்லது கைபோடென்சன் ஏற்படுகிறது. சாதாரண இரத்த அழுத்தம் பொதுவாக 90/60 முதல் 120/80 மிமீ எச் ஞி வரை இருக்கும்.
★ குறைந்த இரத்த அழுத்தத்தின் அறிகுறிகள்
- மங்கலான பார்வை
- தலைச்சுற்றல்
- மயக்கம்
- குமட்டல்
- தலை கனமாக இருப்பது போல் உணர்வது
- பலவீனமாக உணர்வது
போன்ற அறிகுறிகள் தென்பட்டால் மருத்துவரை அணுகுங்கள்......
மேலே குறிப்பிடப்பட்டுள்ள அறிகுறிகளில் ஏதேனும் சிலவற்றை நீங்கள் உங்களிடம் கண்காணித்து இருந்தால், உங்களுக்கு குறைந்த ரத்த அழுத்தம் இருக்க வாய்ப்புகள் உள்ளது. அவ்வாறு, குறைந்த இரத்த அழுத்தத்திற்கான ஏதேனும் அறிகுறிகளை நீங்கள் கண்டறிந்தால், அதன் அடிப்படை காரணம் என்ன என்பதை கண்டறிய உங்கள் மருத்துவரிடம் ஆலோசனை செய்வது நல்லது. அது மட்டுமின்றி, விரைவான துடிப்பு விகிதம், மேலோட்டமான சுவாசம் அல்லது சருமம் குளிர்ந்து காணப்படுவது போன்ற குறைந்த இரத்த அழுத்தத்தின் கடுமையான அறிகுறிகள் நோயாளியிடம் தென்பட்டால், அவர்கள் மருத்துவரை உடனே சந்திப்பது நல்லது. மேலும், குறைந்த இரத்த அழுத்தத்தை உயர்த்த, நீங்கள் உங்கள் உணவு முறையில் சில மாற்றங்கள் கொண்டு வருவது மிகவும் அவசியமான ஒன்றாகும்.
★ குறைந்த இரத்த அழுத்தத்தை உயர்த்த உதவும் உணவுகள்..............!
* உப்பு :
குறைந்த இரத்த அழுத்தத்தை உயர்த்துவதற்கு உப்பு உதவுகிறது. குறைந்த இரத்த அழுத்தத்தின் சிக்கல்களை நீங்கள் அனுபவித்து வந்தால், மிதமான அளவு சோடியம் எடுத்துக் கொள்ளுங்கள். உயர் ரத்த அழுத்தம், நீரிழிவு என எந்த மாதிரியான பிரச்சினைகள் இருந்தாலும் நாம் எடுத்துக் கொள்ளும் சோடியத்தின் அளவு சரியானதாக இருக்க வேண்டியது அவசியம்.
* தண்ணீர்:
நீர் இழப்பு, குறைந்த இரத்த அழுத்தத்தின் முக்கிய காரணங்களில் ஒன்றாக திகழ்கிறது. தண்ணீர் அல்லது பழச்சாறுகளின் வடிவத்தில் திரவங்களை உட்கொள்வது நீரிழப்பை எதிர்த்துப் போராட உதவுகிறது. போதுமான அளவு தண்ணீர் குடிக்கவில்லை என்றால், அது இரத்தத்தின் அளவைக் குறைக்கும். மேலும், இரத்த அழுத்தம் இன்னும் குறைவதற்கு இது காரணமாக அமையலாம். மருத்துவர்களின் கூற்றுப்படி, குறைந்த இரத்த அழுத்தம் உள்ளவர்கள் ஒரு நாளைக்கு குறைந்தது எட்டு கோப்பை அளவு தண்ணீர் குடிக்க வேண்டும்; மற்றும் அவர்கள் மது அல்லது ஆல்ககால் அருந்துவதையும் தவிர்க்க வேண்டும்.
* காஃபின்:
காபி மற்றும் காஃபினேட்டட் தேநீர் ஆனது, இருதய அமைப்பைத் தூண்டுகிறது மற்றும் இதயத் துடிப்பை அதிகரிக்கிறது. காஃபின் நுகர்வு, மிகவும் குறுகிய காலத்தில் நமக்கு நன்மை பயக்கும் என்பதற்கான காரணம் இது தான். அதற்கான மூன்றுவேளை உணவு மாதிரி காபியை எடுத்துக் கொள்ளாமல் அளவுடன் எடுத்துக் கொள்வது நல்லது.
* வைட்டமின் பி-12 நிறைந்த உணவுகள்:
உடலில் வைட்டமின் பி 12 இன் குறைபாடு இருந்தால், அது இரத்த சோகை ஏற்படுவதற்கு காரணமாக அமைகிறது; மற்றும் இரத்த அழுத்தத்தை குறைக்கிறது. வலுவூட்டப்பட்ட தானியங்கள், விலங்கு இறைச்சிகள் மற்றும் ஊட்டச்சத்து ஈஸ்ட் போன்ற வைட்டமின் பி 12 நிறைந்த உணவுகளை சாப்பிடுவது குறைந்த இரத்த அழுத்த பிரச்சனையில் இருந்து நீங்கள் விடுபட உதவுகிறது.
* ஃபோலேட் அதிகம் உள்ள உணவுகள்:
இரத்த சோகைக்கு வழிவகுக்கக் கூடிய காரணிகளில் ஒன்று, உடலில் குறைந்த ஃபோலேட் இருப்பது. ஃபோலேட்டின் அன்றாட தேவைகளைப் பெறுவதற்கு, நீங்கள் தினசரி உங்கள் உணவில் ஃபோலேட் நிறைந்த உணவுகளை சேர்க்க வேண்டும். அசுபாரகசு, பீன்சு, பயறுகள், சிட்ரசு பழங்கள், பச்சை இலை கீரைகள், முட்டை மற்றும் ஈரல் போன்ற உணவுகள் ஃபோலேட்டின் ஒரு சிறந்த மூலமாக திகழ்கிறது.
குறைந்த இரத்த அழுத்தம் உள்ள நபர்கள், மேலே குறிப்பிட்டுள்ள உணவுகளை சாப்பிடுவதைத் தவிர, கார்போகைட்ரேட் நிறைந்த உணவுகளை அதிகம் உட்கொள்வதை தவிர்க்க வேண்டும். மேலும், உணவை தவிர்ப்பதை நிறுத்துங்கள்; ஒரே நேரத்தில் அதிகமாக உண்ணுவதற்கு பதிலாக, அவ்வப்போது சிறிய அளவில் நீங்கள் உணவை உட்கொள்ளலாம். இவ்வாறு செய்வது, நீங்கள் உண்ணக்கூடிய உணவை விரைவாக செரிமானம் அடையச்செய்யும்; மற்றும் ஒரு நிலையான இரத்த ஓட்டத்தை பராமரிக்க உங்களுக்கு உதவும்.
இயற்கையோடு இனைந்து தற்சார்பு வாழ்க்கையை வாழ்வோம்..........!
நன்றி.........!
Link will be apear in 20 seconds.
Well done! you have successfully gained access to Decrypted Link.
0 Response to "குறைந்த இரத்த அழுத்தம் உடையவர்கள் அதிகம் சாப்பிட வேண்டிய உணவுகள்"
கருத்துரையிடுக